Zaxarova Britaniyada baş nazir seçkilərini “siyasi lətifə” adlandırdı

Britaniyada baş nazirin seçilməsi ilə bağlı prosedur Rusiyanın XİN sözçüsü Mariya Zaxarovanın sərt reaksiyasına səbəb olub.

Publika.az xəbər verir ki, Zaxarova Britaniyada baş nazirin hakimiyyətə gəlməsi mexanizmini “siyasi lətifə” adlandırıb. O, bu barədə “Sputnik” radiosunun efirində danışıb.

Diplomatın sözlərinə görə, Böyük Britaniyada hakimiyyətə gələn siyasi liderlərdən heç biri ölkə vətəndaşlarının birbaşa və ya yarımbirbaşa səsverməsi ilə baş nazir seçilməyib.

“Britaniyada baş verənlər ümumiyyətlə siyasi lətifədir”, - deyə Zaxarova bildirib.

O qeyd edib ki, hətta məktəblərdə sinif nümayəndəsinin seçilməsi daha şəffaf və anlaşılan şəkildə həyata keçirilir. Zaxarovanın fikrincə, şagirdlərin səsvermə yolu ilə nümayəndə seçməsi Britaniyada baş nazirin hakimiyyətə gəlməsi prosesindən daha demokratik görünür.

Qeyd edək ki, Britaniyada baş nazir postuna namizəd adətən parlament seçkilərində qalib gələn partiyanın lideri olur. Sonuncu ümumi parlament seçkilərində Leyboristlər qalib gəldiyi üçün Kir Starmer baş nazir olmuşdu.

Müəllif: Adəm