Kanada və ABŞ fəlakətin astanasında - Hər an müharibə başlaya bilər

Kanada ilə ABŞ arasında ticarət gərginliyi təhlükəli həddə çatıb.

Publika.az xəbər verir ki, bu barədə “Economist” jurnalı yazıb.

Nəşrin iddiasına görə, Kanada ABŞ-la başlayacaq iqtisadi müharibədə qalib gələ bilməyəcək və qarşıdurmanın nəticələri ölkə üçün ağır ola bilər.

Gərginlik ABŞ prezidenti Donald Trampın 2027-ci il yanvarın 1-dən Kanada avtomobilləri, avtomobil komponentləri və poladına tətbiq edilən tarifləri 50 faizə yüksəltmək qərarından sonra daha da artıb. Vaşinqtonun bu addımına cavab olaraq Kanada da sentyabrın 8-dən ABŞ məhsullarına 15, 25 və 50 faizlik gömrük rüsumları tətbiq etməyi planlaşdırır.

“Economist” hesab edir ki, ABŞ Kanada bazarını itirməyin iqtisadi nəticələrinə daha rahat tab gətirə bilər. Kanada üçün isə uzunmüddətli ticarət qarşıdurması daha ciddi fəsadlar yarada bilər.

Nəşr Kanada baş naziri Mark Karnini tariflər qüvvəyə minməzdən əvvəl eskalasiyanın qarşısını almağa və diplomatik həll yolu tapmağa çağırıb. Bu arada Ottava qarşıdurmadan zərər çəkə biləcək sahibkar və işçilərə dəstək üçün 5,4 milyard dollar ayırmağa hazırlaşır.

Müəllif: Adəm