Türkiyə təhlükədə: Həmin qanun təsdiqlənərsə…

ABŞ prezidenti Donald Tramp “Qrem qanunu”nu imzaladıqdan sonra Rusiya nefti və qazının iri alıcıları olan ölkələrə qarşı 100%-dək gömrük tarifləri tətbiq etmək mümkün olacaq. Qanun artıq ABŞ Konqresinin hər iki palatasından keçib və Trampın imzasını gözləyir.

Publika.az xəbər verir ki, bu barədə Ukrayna Prezidentinin sanksiya siyasəti üzrə nümayəndəsi Vladislav Vlasük “Ukrinform”a açıqlamasında bildirib.

Onun sözlərinə görə, Çin, Hindistan və Türkiyə potensial tarif tətbiq edilə biləcək ölkələr sırasındadır. 2026-cı ilin ilk 8 ayında Çin Rusiyadan 585 milyon barrel, Hindistan 453 milyon barrel, Türkiyə isə 44 milyon barrel xam neft idxal edib.

Bundan başqa, Vlasükün açıqlamasına görə, ilk 8 ayda Türkiyədən Rusiyaya və ya Rusiyaya doğru dəniz yolu ilə 309 min barrel benzin göndərilib və ya daşınması həyata keçirilib.

Potensial tariflər siyahısına məlumatlar yeniləndikdən sonra Macarıstan və Slovakiya da daxil ola bilər. Qanunda müəyyən istisnalar nəzərdə tutulur və ABŞ prezidenti Konqresin müvafiq razılığı ilə tariflərin tətbiqindən imtina edə bilər.

Akqabay