Cənubi Koreya-Ukrayna arasında gərginlik: Li Çje Myon Kiyevi ittiham etdi

Cənubi Koreya prezidenti Li Çje Myon Ukrayna tərəfinin Cənubi Koreyaya iki Şimali Koreyalı hərbi əsirin təhvil verilməsi barədə məlumatı ictimaiyyətə açıqlamasına sərt reaksiya verib.

Publika.az xəbər verir ki, Li Çje Myon “X” sosial şəbəkəsində paylaşımında Ukrayna tərəfini əldə olunmuş razılaşmanı pozmaqda və milli təhlükəsizlik məsələsində məsuliyyətsiz davranmaqda ittiham edib.

Cənubi Koreya lideri bildirib ki, insanların həyatını və milli təhlükəsizliyi şəxsi maraqlar naminə təhlükəyə atmaq ağır nəticələrə səbəb ola bilər. Onun sözlərinə görə, Şimali Koreyalı hərbi əsirlərin repatriasiyası Koreya yarımadası üçün son dərəcə həssas məsələdir və bu mövzuda məxfi məlumatların qorunması məqsədəuyğun addım olub.

Li Çje Myon Ukrayna tərəfinin məlumatları açıqlamasından ciddi məyusluq duyduğunu vurğulayıb. O, Kiyevin bu addımının səbəblərini bilmədiyini, lakin başqa ölkənin milli təhlükəsizliyinə zərər vura biləcək məxfi məlumatların ictimailəşdirilməsini qəbuledilməz hesab etdiyini bildirib.

Müəllif: Adəm Abbaslı