Ekologiya

Dünyanın ən kinli heyvanı: Onlar 17 il ərzində... - FOTO

16 Noyabr 2024 15:32

Qarğalar kin saxlamaq dedikdə ağla gələn ilk heyvanlardan biridir. Uzun ömürləri ilə yanaşı, özlərinə və ya başqa bir qarğaya zərər vurulduğunu gördükdə bunu göz önündə tutaraq həmin adama hücum etdikləri məlumdur.

Publika.az xəbər verir ki, 2006-cı ildə Vaşinqtonda təcrübəyə başlayan alim Marzluff maska taxıb, torla yeddi qarğa tutub. Bu da bir çox qarğalarda aqressiyaya səbəb olub.

Marzluff və onun tədqiqat köməkçiləri vaxtaşırı maskadan istifadə edərək qarğanın nə qədər aqressiv səslər çıxardığını qeyd ediblər.

Onun topladığı, lakin hələ dərc etmədiyi məlumatlara görə, növbəti onillikdə kin saxlayan qarğaların sayı getdikcə azalıb. Uzun illər aparılan araşdırmadan sonra məlum olub ki, qarğalar 17 il kin saxlaya bilirlər.

Qarğalar təbiətin ən ağıllı canlılarından biridir. Onlar yemək əldə etmək və qarşıdakı maneələri keçmək üçün alətlər hazırlayıb, onlardan istifadə edirlər.

Aysel Şahmar