Planetin ən soyuq yeri bəlli oldu: Neçə dərəcə şaxta var?

Dünyanın ən soyuq yeri Şərqi Antarktika Yaylasıdır. Məhz bu kimsəsiz buzlaqda 1983-cü il iyulun 23-də “Vostok” tədqiqat stansiyasında havanın temperaturu təqribən 89,2°C-ə düşərək, regionun orta illik temperaturundan xeyli aşağı olub.

Publika.az "IFLScience" nəşrinə istinadən xəbər verir ki, o vaxtdan bəri uzaq Şərqi Antarktika Yaylasında daha da aşağı temperatur qeydə alınıb.

Məlumata görə, Kolorado Boulder Universitetindən olan bir qrup alim Şərqi Antarktidada 2004-2016-cı illərdə toplanmış peyk məlumatlarını araşdırıb. Nəticələr göstərib ki, Şərqi Antarktika yaylasının "Vostok" stansiyasının üstündəki bəzi ərazilərində qütb gecəsində temperatur inanılmaz dərəcədə -98°C-ə çatıb.

Buz təbəqəsinin ən yüksək hissəsində, dəniz səviyyəsindən 3800 ilə 4050 metr arasında dəyişən yüksəkliklərdə son dərəcə aşağı temperatur qeydə alınıb. Müşahidələr həmçinin göstərib ki, inanılmaz dərəcədə soyuq şərait ən güclü Antarktika qütb burulğanının - qitəni əhatə edən və soyuq havanı tutan güclü küləklərin fırlanan kütləsinin mövcudluğunda baş verir.

Adəm