Ekologiya

İnsanların "baş bəlası" qayıdır: Sabahdan etibarən...

16 Yanvar 2026 12:37

Yanvarın 17-də Yer kürəsində minimum G1 intensivliyində daha bir zəif maqnit fırtınası baş verəcək. Bu, 2026-cı ilin yanvar ayında baş verən üçüncü belə hadisədir.

Publika.az xəbər verir ki, bu barədə Rusiya Günəş Astronomiya Laboratoriyası məlumat yayıb.

Yenilənmiş qrafiklərə görə, geomaqnit pozuntuları günün birinci yarısında pik həddə çatacaq. Çərşənbə axşamına qədər aktivlik tamamilə azalacaq.

Növbəti dalğalanma 20 yanvarda gözlənilir - daha bir G1 fırtınası. Beləliklə, yanvar ayı daha dörd zəif geomaqnit hadisəsi ilə nəticələnəcək.

Alimlər bildiriblər ki, G1 əksər insanlar və ya avadanlıqlar üçün ciddi təhlükə yaratmır. Yalnız hava şəraitinə həssas olanlar üçün yüngül narahatlıq mümkündür.

Qeyd edək ki, əvvəlki fırtına 10-11 yanvar gecəsi baş verib.

Adəm