Elm və təhsil

Peşə təhsili üzrə “Dərs vaxtı” proqramı təqdim edildi

16 Dekabr 2020 03:13

Peşə Təhsili üzrə Dövlət Agentliyinin təşkilatçılığı ilə “ARB Günəş” kanalında yayımlanan “Dərs vaxtı” proqramı noyabrın 15-nə olan cədvələ uyğun yayımlanıb.

Agentlikdən Publika.az-a bildirilib ki, proqramda qənnadçı-şirniyyatçı, kompüter operatoru, dizayner, avtomatika üzrə usta, avtomobil diaqnostikası və təmiri, mehmanxana inzibatçısı, sənayedə quraşdırma işləri üzrə usta, avtomobillərin təmiri çilingəri, avtomobil sürücüsü ixtisasları üzrə dərslər təqdim olunub.

Peşə təhsili üzrə “Dərs vaxtı”nı ekran qarşısında izləyə bilməyənlər dərsləri Peşə Təhsili üzrə Dövlət Agentliyi rəsmi “YouTube” (https://bit.ly/2WYaWU9) kanalı ilə yanaşı “Facebook” (https://bit.ly/34erIjf) səhifəsindən, eyni zamanda, Təhsil Nazirliyinin videodərslər portalından (https://video.edu.az/) izləyə bilərlər.