Gözəllik

Plastik əməliyyat 35 yaşa qədər edilməlidir, yoxsa...

25 İyul 2022 18:25

Bir çox ölkələrin qanunvericiliyi 18 yaşından plastik əməliyyata icazə verir. Cərrahlar həmçinin bədənin inkişafı üçün ən azı 22-23 yaşı gözləməyi tövsiyə edirlər. Lakin ekspertlər lipofillinqi əməliyyatını gecikdirməməyi məsləhət görürlər.

Publika.az xəbər verir ki, ekspertlərin fikrincə, bu əməliyyat üçün ideal dövr 35 yaşa qədərdir.

Təbii ki, üz və bədənin müxtəlif nahiyələrinə piy transplantasiyası istənilən yaşda edilə bilər. Bununla belə, həkimlər iddia edir ki, 35 yaşa qədər piydəki kök hüceyrələri daha aktiv təsirə malik olur. Buna görə də əməliyyatın nəticəsi daha yaxşı olacaq və reabilitasiya daha sürətli keçəcək.

Məlumat üçün bildirək ki, lipofilinq bədəndən piylərin çıxarılıb başqa nahiyəyə transplantasiya edilməsi, köçürülməsidir. Bu, cərrahi əməliyyat olub, tam steril şəkildə icra olunur. Lipofilinq yaşla və ya digər səbəblərlə bağlı üz və bədəndə yaranmış qüsurları aradan qaldırmaq üçün uğurla istifadə edilir.

Aytən Məftun