Yaşlanmanı ləngidən formul

Erkən qocalmaya səbəb olan bir sıra amillər var. Onların arasında yuxusuzluq, pis vərdişlər, qidalanma və genetik amilləri saymaq olar.

Publika.az xəbər verir ki, bu sözləri tanınmış kosmetoloq-dermatoveneroloq Tatyana Entel deyib. O, vətəndaşlara bu riskləri minimuma endirmək yollarını izah edib.

“İzvestiya” qəzetinə müsahibəsində mütəxəssis qeyd edib ki, orta yaşlı insanların erkən qocalmasının əsas səbəbi yuxusuzluqdur. Onun çatışmazlığı hormonal fonun pozulmasına, yəni somatotrop hormonun - böyümə hormonunun və ya gənclik hormonunun sintezinin pozulmasına səbəb olur. Bundan əlavə, yuxusuzluq bütün metabolik proseslərin, o cümlədən kollagen lifinin sintezi prosesinin pozulmasına gətirib çıxarır ki, bu da qadınlarda erkən menopauza da səbəb ola bilər.

Qeyri-sağlam pəhriz, o cümlədən həddən artır şəkər və karbohidratların daxil olduğu qidalanma da vaxtından əvvəl qocalmanı sürətləndirir.

"Alkoqol içə bilərsinizs, lakin az miqdarda. Həftədə 125 ml şərab və ya 30 ml güclü spirt ola bilər. Siqaret də dəriyə mənfi təsir göstərir, onun strukturunu və kollagen sintezini pozur, bu da elastikliyin itirilməsinə və bozumtul rəngə səbəb olur. Bundan əlavə, genişlənmiş məsamələr üzə yaşlı bir görünüş verir", - kosmetoloq qeyd edib.

Entel əlavə edib ki, genetik təsirləri də unutmaq olmaz: "Qeyri-sağlam həyat tərzi sürsəniz, bu halda nəyisə dəyişmək təəssüf ki, mümkün deyil. Əsasən də qadın orqanizmi üçün genetik faktorlar çox vaxt aparıcı olur. Əgər ananız erkən qocalıbsa və ya erkən menopauza keçibsə, bu halda demək olar ki, erkən yaşlanma sizə də təsir edəcək".

Ekspert bildirib ki, pis vərdişləri aradan qaldırmaq və qidalanmanı normallaşdırmaqla yanaşı, günəşli havada çox qalmamaq lazımdır, çünki günəş dərinin gəncliyi üçün bütün vacib strukturları öldürür və onun genetik funksiyasını zədələyir.

"Əgər qaralmaq istəyiniz varsa, günəş gigiyenasını formalaşdırmaq vacibdir. Səhər saat 9-10-a qədər, axşam isə 16:00-17:00-dən sonra günəş vannası qəbul etməyə çalışın. Ən əsası günəşdən qoruyucu vasitələrdən istifadənin vaxtından əvvəl qocalmanın qarşısını aldığını unutmayın".

Aytən Məftun