İqtisadi gündəm

Millət vəkili: "Vergi ödəyənlərin sayı artacaq"

30 Noyabr 2018 12:45

Vergi Məcəlləsinə dəyişikliklər onun sivil, beynəlxalq standartlara cavab verməsinə səbəb olacaq.

Publika.az xəbər verir ki, bu sözləri millət vəkili Ziyad Səmədzadə Milli Məclisin plenar iclasında Vergi Məcəlləsinin ikinci oxunuşda müzakirəsi zamanı deyib.

Z.Səmədzadə bildirib ki, Vergilər Məcəlləsinə edilən dəyişikliklər bugünkü reallığı əks etdirir və yaxın gələcəkdə görüləcək işlərə böyük təminat yaradacaq.

“Dəyişikliklər əmək münasibətlərində şəffaflıq əhəmiyyətli dərəcədə artıracaq, vergilərin ödəyicilərinin sayının artmasına səbəb olacaq. Bu sahədə uzun illər mövcud problemlərin həllində cəsarətli addımlar atılacaq”.