Nazirlər Kabinetindən yeni qərar

Nazirlər Kabineti "Daşınmaz əmlaka mülkiyyət və digər əşya hüquqlarının dövlət qeydiyyatına alınması ilə bağlı sənədlərin verilməsinə görə ödənilən dövlət rüsumundan qeydiyyat orqanı işçilərinin sosial müdafiəsini gücləndirmək və maddi təminatı yaxşılaşdırmaq məqsədi ilə qeydiyyat orqanının xüsusi hesabına köçürülən 30 faizlik vəsaitdən istifadə haqqında hesabatın dərc edilməsi barədə forma"nın təsdiq edilməsi barədə qərar qəbul edib.

Publika.Az-ın məlumatına görə, qərarda qeydiyyat orqanı işçilərinin sosial müdafiəsini gücləndirmək və maddi təminatı yaxşılaşdırmaq üçün xüsusi hesaba köçürülən vəsaitin müəyyən olunmuş qaydada səmərəli istifadəsi Əmlak Məsələləri Dövlət Komitəsinə tapşırılır.

Sosial işçilərin hesabına köçürülən 30 faizlik vəsaitdən istifadə haqqında hesabat hər rübün və ilin sonunda komitənin internet saytında yerləşdiriləcək.

Daşınmaz əmlaka mülkiyyət və digər əşya hüquqlarının dövlət qeydiyyatına alınması ilə bağlı sənədlərin verilməsinə görə ödənilən dövlət rüsumundan 30 faiz işçilərin sosial müdafiəsini gücləndirmək və maddi təminatını yaxşılaşdırmaq məqsədi ilə qeydiyyat orqanının xüsusi hesabına köçürüləcək.

Kifayət

Publika.Az