Türkiyə Azərbaycandan neft alışını xeyli azaldıb
Bizi izləyin

İqtisadi gündəm

Türkiyə Azərbaycandan neft alışını xeyli azaldıb

Türkiyə Azərbaycandan neft alışını xeyli azaldıb

Azərbaycandan bu ilin yanvar-sentyabr aylarında Türkiyəyə 119 min 494 ton neft ixrac edilib.

Publika.az Dövlət Gömrük Komitəsinə istinadən xəbər verir ki, Türkiyəyə ixrac edilmiş neftin dəyəri isə 59 milyon dollar olub.

Son bir il ərzində ixracın həcmində 233 min ton (3 dəfə), dəyərində isə 134 milyon dollar (3,3 dəfə) azalma baş verib.

Qeyd edək ki, 2024-cü ilin yanvar-sentyabr ayında isə Azərbaycan Türkiyəyə 193 milyon dollar dəyərində 352 min 515 ton neft ixrac etmişdi.

Bu ilin yanvar-sentyabr aylarının nəticələrinə görə Türkiyəyə ixrac edilmiş neftin orta hesabla 1 tonunun dəyəri 840 manat olub ki, bu da 2024-cü ilin müvafiq göstəricisinə görə 91 manat (9,8%) azdır. Ötən ilin müvafiq dövründə bu göstərici 931 manata bərabər olub.

Xam neftin ixrac olunduğu ölkələrin siyahısında Türkiyə 2025-ci ildə 15-ci, 2024-cü ildə isə 12-ci yerdə olub.

Oxumağa davam et
Reklam
Reklam

Gündəm

Zəfaran Hospital
Səba