Bağ evində narkotik əkib-becərən şəxs saxlanıldı - FOTO
Bizi izləyin
Aptekonline

Hadisə

Bağ evində narkotik əkib-becərən şəxs saxlanıldı - FOTO

Sabunçu Rayon Polis İdarəsi (RPİ) 42-ci Polis Bölməsi (PB) əməkdaşlarının həyata keçirdikləri əməliyyat-axtarış tədbiri nəticəsində narkotik vasitələrin kultivasiyası ilə məşğul olmaqda şübhəli bilinən, əvvəllər məhkum olunmuş paytaxt sakini Anar Əliyev saxlanılıb.

Bu barədə Publika.az-a Daxili İşlər Nazirliyinin (DİN) Mətbuat Xidmətindən məlumat verilib.

Belə ki, ona məxsus Ləhiş bağları sahəsindəki evin həyətinə baxış keçirilən zaman kultivasiya yolu ilə yetişdirilən yaş halda çəkisi 11 kq olan 201 ədəd çətənə kolu və 720 qram qurudulmuş marixuana aşkar olunaraq götürülüb.

Anar Əliyev ifadəsində narkotik tərkibli bitkiləri bir müddət əvvəl əkdiyini və xüsusi qulluq etdiyini etiraf edib.

Faktla bağlı 42-ci PB-də toplanan materiallar Sabunçu RPİ-min İstintaq Şöbəsinə göndərilib.

İstintaq tədbirləri davam etdirilir.

Teqlər
Oxumağa davam et
Reklam
Reklam

Gündəm

Aptekonline