Hadisə

Bakıda hoteldə əməliyyat, 22 NƏFƏR... - FOTO

16 Noyabr 2021 19:24

Nərimanov rayonunda karantin qaydalarını pozaraq gecə saatlarında fəaliyyət göstərən restoran aşkar edilib. Profilaktik tədbir zamanı Ə.Rəcəbli küçəsində yerləşən "Altus" hotelinin daxilində yerləşən restoranın karantin qaydalarını pozaraq saat 00:00-dan sonra işlədiyi müəyyən edilib.

Publika.az Daxili İşlər Nazirliyinə istinadən xəbər verir ki, karantin qaydalarına əməl etməyən 22 nəfər və hotelin icarədarı barəsində İnzibati Xətalar Məcəlləsinin müvafiq maddəsi ilə protokol tərtib edilib və onlar ümumilikdə 8 400 manat cərimə ediliblər.

Obyektdə olan daha 2 nəfər polisin qanuni tələbinə əməl etmədiklərinə, eləcə də tabesizlik göstərdikləri üçün onlar barəsində tərtib edilmiş protokol və toplamış material baxılması üçün Nərimanov Rayon Məhkəməsinə göndərilib.