Helikopter qəzasının səbəbi BU İMİŞ - RƏSMƏN AÇIQLANDI
Bizi izləyin

Hadisə

Helikopter qəzasının səbəbi BU İMİŞ - RƏSMƏN AÇIQLANDI

Noyabrın 30-da Dövlət Sərhəd Xidmətinin hərbi helikopterinin Xızı rayonu ərazisində təlim uçuşları zamanı qəzaya uğraması faktı ilə bağlı istintaq olunan cinayət işi üzrə əldə olunmuş ilkin nəticələr açıqlanıb.

Publika.az xəbər verir ki, bu gün Baş Prokurorluqda keçirilən brifinqdə baş prokurorun birinci müavini Elçin Məmmədov bildirib ki, helikopterin qəzaya uğraması ilə bağlı hadisə yerinə müfəssəl baxış keçirilib:

"Mühüm əhəmiyyət kəsb edən "qara qutu" götürülüb. Cinayət işi üzrə çoxsaylı şahidlər dindirilib, müvafiq ekspertizalar təyin edilib. Müəyyən edilib ki, helikopterin uçuşu və təlimə cəlb edilməsi ilə bağlı hər hansı qayda pozuntusu aşkar edilməyib. Uçuş heyəti əvvəlcədən təlimatlandırılmaqla müəyyənləşib. "Qara qutu" hüquqi yardım əsasında Çex Respublikası ilə əməkdaşlıq çərçivəsində istehsalçı ölkə olması səbəbindən Praqa şəhərində araşdırılıb və bütün qeydə alınmış "qara qutu"nun məlumatları Azərbaycan tərəfinə təhvil verilib".

E.Məmmədov qeyd edib ki, "Mi-17" helikopterinin qəzası zamanı idarəetmə heyətinin eniş zamanı küləyin istiqamətini düzgün müəyyənləşdirməməsi qəzaya səbəb olub: "Belə ki, küləyin gücü və istiqamətinin pilotlar tərəfindən düzgün qiymətləndirilməməsi helikopterin nəzarətdən çıxaraq enmə zamanı yerə çırpılmasına səbəb olub. Zərbənin gücündən qapı hissəsindən parçalanma nəticəsində bortda olan 4 nəfər zərbənin gücü ilə çölə atılıb, onlardan ikisi aldığı xəsarətlərdən ölüb, digər ikisi nisbətən yüngül xəsarət alıb".

Qeyd edək ki, noyabrın 30-da Dövlət Sərhəd Xidmətinin hərbi helikopterinin Xızı rayonu ərazisində yerləşən "Qaraheybət" aviasiya poliqonunda təlim uçuşları zamanı qəzaya uğraması nəticəsində 14 hərbçi həlak olub, 2 hərbçi yaralanıb.

Nizam Rzayev

Foto: Ceyhun Rəhimov

Oxumağa davam et
Reklam
Reklam

Gündəm