Etirazların yeni dalğası başlayır: Makron şagirdlərin nümayəndələri ilə görüşdü

Fransa prezidenti Emmanuel Makron bu gün şagirdlərin nümayəndələri və hüquq-mühafizə orqanlarının əməkdaşları ilə görüşəcək. Görüş ölkədə etirazların yeni dalğasının başlaması ərəfəsində keçiriləcək.

Publika.az xəbər verir ki, “France24”ün məlumatına görə, bu, bir aydan çoxdur davam edən tələbə etirazları başlayandan bəri Makronun yuxarı sinif şagirdlərinin nümayəndələri ilə ilk görüşüdür.

Fransa prezidenti şənbə günü keçirilməsi planlaşdırılan nümayişlərə hazırlıq məqsədilə müdafiə məsələləri üzrə şuranın növbəti iclasını da keçirəcək.

Baş nazir Sebastyan Lekornü isə etirazçılar tərəfindən bələdiyyə binası yandırılan Limoj şəhərinə səfər edəcək.

Xatırladaq ki, Fransada bir aydan çoxdur davam edən kütləvi etirazlar əvvəlcə təhsil şəraitinin pis olmasına qarşı çıxan yuxarı sinif şagirdlərinin aksiyaları ilə başlayıb. Sonradan qiymət artımına və aşağı əməkhaqqına etiraz edən müxtəlif peşə sahələrinin nümayəndələri də aksiyalara qoşulublar.

Oktyabrın 24-nə əhalinin ikinci ümummilli səfərbərlik dalğası planlaşdırılıb. İğtişaş təhlükəsindən ehtiyat edən bəzi şəhərlərdə, o cümlədən Marseldə etirazlara qadağa qoyulub, ictimai nəqliyyatın fəaliyyəti isə bir günlüyə dayandırılacaq.

Müəllif: Adəm