Bərdədə yol qəzasında ikisi ata-oğul olmaqla üç nəfər ölüb - FOTO/YENİLƏNDİ

Bərdə rayonunun Mehdili kəndində “BA3” markalı iki minik avtomobilinin toqquşması nəticəsində üç nəfər ölüb.

Publika.az Teleqraf-a istinadən xəbər verir ki, avtomobildə ata və oğul olmaqla 3 nəfər - 1968-ci il təvəllüdlü Ələdin Əliyev, onun oğlu Alı Əliyev həyatını itirib. Digər oğul 2005-ci il təvəllüdlü oğul Röyal Əliyev ağır vəziyyətdə Bərdə rayon xəstəxanaya çatdırılıb.

Hadisə zamanı “BA3” markalı digər minik avtomobilində olan polis əməkdaşı 2003-cü il təvəllüdlü Səyyad Əliyev də ölüb.

Faktla bağlı araşdırma aparılır.

***

Fövqəladə Hallar Nazirliyinin "112" qaynar telefon xəttinə Bərdə rayonunun Mehdili kəndində yol-nəqliyyat hadisəsinin baş verməsi ilə əlaqədar xilasedici köməyinə ehtiyac yaranması barədə məlumat daxil olub.

FHN-dən verilən xəbərə görə, məlumatla əlaqədar Nazirliyin Qarabağ Regional Mərkəzinin xilasetmə qüvvələri çağırış üzrə cəlb olunublar.

Əməliyyat şəraiti qiymətləndirilərkən müəyyən olunub ki, “BA3” markalı iki minik avtomobili toqquşub, 2 nəfər avtomobillərdə sıxılı vəziyyətdə qalıb.

Həyata keçirilən tədbirlər nəticəsində sıxılı vəziyyətdə qalan 2 nəfərin meyiti çıxarılaraq aidiyyəti üzrə təhvil verilib.