Hadisə

20 qəpik üstündə başlayan dava məhkəmədə bitdi

23 Dekabr 2025 09:24

Tovuz rayonu Qovlar şəhər parkında 20 qəpik üstündə başlayan dava məhkəmədə bitib.

Publika.az Teleqraf-a istinadən xəbər verir ki, Nadir İsmayılov Cabbar Gülməmmədovun (ad-soyadlar şərtidir) sanitar qovşaqdan istifadəyə görə əlavə iyirmi qəpik tələb etməsini bəhanə edərək ona yumruq zərbələri endirib.

Belə ki, 1968-ci il təvəllüdlü Nadir Qovlar şəhər parkının içərisində
yerləşən ödənişli sanitar qovşaqdan istifadə edib. Nadir Cabbara 10 manat verib, qarşı tərəf isə ona 9.50 AZN qalıq qaytarıb.

Bu zaman Nadir sanitar qovşaqdan istifadənin 30 qəpik olduğunu
deyərək Cabbara əlavə olaraq 20 qəpikdə verməli olduğunu deyib. Nəticədə tərəflər arasında sonu dava ilə bitən mübahisə başlayıb.

Tovuz Rayon Məhkəməsində Cinayət Məcəlləsinin 221.1-ci maddəsi üzrə (xuliqanlıq) keçirilən prosesində hökm oxunub. Hökmə əsasən, Nadir İsmayılov 1500 manat məbləğində cərimələnib.