FHN Beyləqandakı yanğınla bağlı məlumat yaydı - Yeniləndi

Fövqəladə Hallar Nazirliyinin “112” qaynar telefon xəttinə Beyləqan rayonu, Birinci Şahsevən kəndində açıq ərazidə yanğın baş verməsi barədə məlumat daxil olub.

Publika.az xəbər verir ki, Dərhal FHN-in Dövlət Yanğından Mühafizə Xidmətinin Beyləqan Rayon Yanğından Mühafizə Hissəsinin qüvvələri hadisə yerinə cəlb olunub.

Hazırda yanğınla mübarizə tədbirləri davam etdirilir.

Əlavə məlumat veriləcək.

xxx

21:33

Beyləqan rayonunun bir neçə kəndində yanğın hadisəsi qeydə alınıb.

Publika.az Teleqraf-a istinadla xəbər verir ki, küləkli hava şəraitində kolluq sahədə başlayan yanğın rayonun Eyvazalılar və Tatarlar kəndləri yaxınlığında yerləşən meşə massivinə keçib.

Hadisə yerinə Fövqəladə Hallar Nazirliyinin Beyləqan rayon yanğınsöndürmə bölməsinin əməkdaşları və xüsusi texnikası tam heyətlə cəlb olunub.

Yanğının genişmiqyaslı olması səbəbindən ətraf rayonların yanğınsöndürən qüvvələrinin də əməliyyata qoşulması planlaşdırılır.

Hazırda yanğının söndürülməsi istiqamətində tədbirlər davam etdirilir.