Ayı evə girdi, hər şeyi dağıtdı, divanda yatdı və ... - ŞOK mənzərənin FOTOSU

Rusiyanın Tomsk vilayətində qeyri-adi hadisə baş verib. Ayı sahibinin olmadığı vaxtda evə girərək oranı alt-üst edib, soyuducunu dağıdıb, yemək yeyib və sonda divanda yatıb.

Publika.az "RİA Novosti"yə istinadən xəbər verir ki, hadisə ötən həftənin sonunda Karqasok rayonunun Neqotka qəsəbəsində baş verib.

Bu barədə Tolparovsk kənd yaşayış məntəqəsinin rəhbəri Lyudmila Qavrilova məlumat verib.

Onun sözlərinə görə, ayı pəncərəni sındıraraq içəri daxil olub. Vəhşi heyvan evdəki əşyaları dağıdıb, soyuducunu gəmirərək açıb. Ehtimal olunur ki, oradan ət və yumurta taparaq yeyib.

Ayı bununla kifayətlənməyib: masanı və mebelləri sındırıb, divarları cırmaqlayıb, şəkilləri divardan çıxarıb. Onun evdəki hərəkətləri zamanı hətta televizor da işə düşüb.

Daha sonra yırtıcı divana uzanıb və yuxuya gedib.

Səhər saatlarında qadının yaxınları sobanı yandırmaq və pişiklərə yemək vermək üçün evə gəliblər. İçəridən xorultu səsi eşidən qohumlar divanda rahatca yatmış ayını görüblər.

Müəllif: Adəm