Beyləqanda QORXUNC QƏZA: Avtomobil qaz borusuna çırpıldı və...

Beyləqan rayonu, Dünyamalılar kəndində "Mercedes" markalı minik avtomobili yol kənarından keçən qaz borusuna çırpılaraq yanğınla nəticələnən yol-nəqliyyat hadisəsi baş verib.

Publika.az-ın FHN-nin saytına istinadən verdiyi xəbərə görə, yanğın nəticəsində avtomobilin yanar hissələri yanıb.

Hadisə zamanı 5 yaşlı uşaq ölüb, maşın isə yanıb.

Beyləqan rayon polis Şöbəsindən verilən xəbərə görə, 45 yaşlı Yaşar Novruzovun idarə etdiyi “Mercedes” markalı avtomobilin idarəetməni itirərək yolun kənarından keçən qaz borusuna çırpılıb. Çırpılma nəticəsində 2011-ci il təvəllüdlü Zaur Nurlan oğlun Novruzov aldığı bədən xəsarətindən elə həmin an həyatını itirib. Maşında olan sürücü və digər sərnişinlər, Z. Novruzovun valideynləri uşaqlarının meyitini maşından uzaqlaşdırdıqdan sonra borudan qaz sızması nəticəsində partlayış baş verib, yanğın olub. Yanğın nəticəsində avtomobil yanaraq yararsız hala düşüb.

Faktla bağlı Beyləqan rayon Prokurorluğunda cinayət işi açılıb araşdırma aparılır.