"Qarabağ"ın potensial rəqibi bəlli oldu (YENİLƏNDİ)

“Qarabağ”ın UEFA Avropa Liqasının pley-off mərhələsindəki potensial rəqibi müəyyənləşib.

“Report”un məlumatına görə, püşkə əsasən, Ağdam təmsilçisi Çempionlar Liqasının III təsnifatında Kiprin APOEL komandasını mübarizədən kənarlaşdıra bilməsə, "Sutyeska" (Monteneqro) - "Linfild" (Şimali İrlandiya) cütünün qalibi ilə qarşılaşacaq.

“Qarabağ” ilk oyunu səfərdə keçirəcək.

Qeyd edək ki, pley-off mərhələsində ilk oyunlar 22 avqustda, cavab görüşləri 29 avqustda keçiriləcək. İlk matçlar püşkatmadan sonra adları birinci göstərilmiş komandaların meydanlarında olacaq.

***

14:49

“Qarabağ”ın UEFA Çempionlar Liqasının 3-cü mərhələsində Kipr çempionu APOEL-i keçəcəyi təqdirdə rəqibləri müəyyənləşib.

Publika.az xəbər verir ki, bu gün pley-off mərhələsinin püşkü atılıb. Ağdam təmsilçisi APOEL-i mübarizədən kənarlaşdıracağı təqdirdə, PAOK (Yunanıstan) / “Ayaks” (Hollandiya) cütünün qalibiilə qarşılaşacaq.

“Qarabağ” pley-offa yüksələrsə, ilk oyunu Bakıda keçirəcək.

Pley-off mərhələsinin matçları 20-21 və 27-28 avqustda keçiriləcək.