Millimiz Hindistanla birgə təlim-məşq toplanışı keçir
Bizi izləyin

İdman

Millimiz Hindistanla birgə təlim-məşq toplanışı keçir

Millimiz Hindistanla birgə təlim-məşq toplanışı keçir

Yunan-Roma güləşi üzrə yığmamız bu gün lisenziya turniri ərəfəsində son təlim-məşq toplanışına start verib.

Publika.az xəbər verir ki, illimiz son hazırlıq prosesini də vətəndə keçir. Baş məşqçi Aleksandr Tarakanov, böyük məşqçi Rövşən Bayramov və məşqçi Akif Əliyevin rəhbərliyi altında reallaşan TMT Olimpiya Güləş Mərkəzində təşkil olunub. Öncəki toplanışda əsasən fiziki hazırlığın yüksəldilməsinə diqqət ayrılmışdısa, bu dəfə daha çox taktiki-texniki çalışmalara üstünlük veriləcək. Martın 19-dək davam edəcək hazırlıq prosesində Hindistan yığması da iştirak edir. Bu komanda son Asiya çempionatında 1 qızıl, 4 bürünc medal qazanaraq komanda hesabında 2-ci yeri tutub.

Xatırladaq ki, Macarıstanın paytaxtı Budapeştdə keçiriləcək Avropa Olimpiya Təsnifat turniri çərçivəsində martın 21-22-də yunan-Roma güləşçiləri Tokio-2020-yə lisenziya qazanmağa çalışacaq. Millimiz 60, 67, 77, 87, 97 və 130 kq-da Olimpiadaya vəsiqə uğrunda mübarizə aparacaq.

Teqlər
Oxumağa davam et
Reklam
Reklam

Gündəm

Zəfaran Hospital
Səba