Teymur Rəcəbov Aronyanı məğlub etdi
Bizi izləyin
Aptekonline

İdman

Teymur Rəcəbov Aronyanı məğlub etdi

Onlayn blits şahmat üzrə “Airthings Masters” turnirinin final görüşlərinin 1-ci turu başa çatıb.

Publika.az xəbər verir ki, Azərbaycan qrossmeysteri Teymur Rəcəbov və Ermənistan təmsilçisi Levon Aronyan bu gün ilk matçda münasibətlərinə aydınlıq gətirib.

4 oyundan ibarət qarşılaşmada həmyerlimiz qalib gəlib. Üç görüşdə heç-heçə edən təmsilçimiz son partiyada qara fiqurlarla qələbə qazanıb – 2,5:1,5.

Sabah Rəcəbovla Aronyan arasında ikinci matç keçiriləcək. Turnirin qalibi yarışın son günündə bəlli olacaq. Rəcəbova çempion olmaq üçün heç-heçə də kifayət edəcək.

Qeyd edək ki, 200 min dollar mükafat fondu olan turnirdə 12 şahmatçı mübarizəyə başlayıb. Dairəvi sistemlə keçirilən ilk mərhələdən sonra 8 iştirakçı nokaut sistemi ilə yarışı davam etdirib. Turnirin qalibi 60 min dollar qazanacaq.

Teqlər
Oxumağa davam et
Reklam
Reklam

Gündəm

Aptekonline