İdman

Aynur Məmmədova Tokio-2020-yə lisenziya qazandı

9 May 2021 22:00

Milli Paralimpiya Komitəsinin para-taekvando idman növü üzrə milli komandasının üzvü Aynur Məmmədova (58 kq) Bolqarıstanın paytaxtı Sofiya şəhərində keçirilən Avropa Təsnifat turniririn finalında ispaniyalı rəqibini məğlub edərək yarışın qalibi olub.

Publika.az Azərbaycan Milli Paralimpiya Komitəsinə istinadən bildirir ki, təmsilçimiz bu qələbə sayəsində Tokio-2020 XVI Yay Paralimpiya Oyunlarına birbaşa lisenziya qazanıb.

Bununla Milli Paralimpiya Komitəsinin idmançıları 5 idman növündə artıq 10 lisenziya qazanıblar (atletika – 3, üzgüçülük – 3, güllə atıcılığı – 2, pauerliftinq – 1, taekvando – 1).

Qeyd edək ki, para-taekvando idman növü ilk dəfə olaraq Paralimpiya Oyunlarının proqramına salınıb.