Prezident: “O, özbaşına deyil, cəzalandırılacaq”
Bizi izləyin

İdman

Prezident: “O, özbaşına deyil, cəzalandırılacaq”

Prezident: “O, özbaşına deyil, cəzalandırılacaq”

UEFA prezidenti Mişel Platini Frank Riberinin Fransa millisindəki karyerasını başa vurmasına sərt reaksiya verib.

Publika.az-ın məlumatına görə, Platini Riberini tənqid edib və bildirib ki, o, özbaşına millidən getməklə bağlı qərar verə bilməz:

“Riberi millidə qalıb-qalmayacağı haqda qərar verə bilməz. Baş məşqçi Didye Deşam onu dəvət edərsə, milli komandada oynamaq məcburiyyətindədir. Bu, FİFA-nın qaydalarında da var. Əgər Riberi Deşamın dəvətini rədd etsə, çıxış etdiyi “Bavariya” klubunda üç oyunluq cəzalandırılacaq.

O fransalı olsa da, ölkəsində təşkil olunacaq Avropa çempionatında iştirak etməkdən boyun qaçırır. Bunu anlamaq mümkün deyil".


Qeyd edək ki, zədə səbəbindən “DÇ-2014”dən kənarda qalan Riberi ötən ay millidəki karyerasını başa vurduğunu açıqlayıb.

Xatırladaq ki, Fransa Futbol Federasiyası da Riberinin bu qərarını qəbul etməyib.

Aygün İlqarqızı

Oxumağa davam et
Reklam
Reklam

Gündəm