İdman

“İrqçilik etməmişəm, bu, haqsız ittiham idi”

14 Oktyabr 2014 17:38

"Barselona"nın futbolçusu Luis Suarez klubun rəsmi saytına verdiyi müsahibəsində peşman olduğu hərəkətlərindən danışıb.

Publika.az xəbər verir ki, uruqvaylı haqsız yerə ittiham olunmasından da söhbət açıb:

"Mən üzr istəyirəmsə, deməli, həmin əməlimə görə peşmanam. Amma mən haqsız yerə də ittiham olunmuşam. Bunlardan biri də irqçilik etməyimlə bağlıdır. Hər hansı sübut gətirilmədən ittiham olundum. Bu da mənə çox pis təsir etdi. Qalan hallarda özüm səhv etmişəm. Səhvlərimi qəbul edib üzr istədiyimi hamı bilir. 2014 Mundialında göstərdiyim davranışa görə də səhvimi etiraf etmişəm. Həmin vaxtlar bu barədə düşünmək belə istəmirdim. Sadəcə, ailəm - həyat yoldaşım və uşaqlarımla birlikdə olmaq fikrində idim".

Aygün İlqarqızı