Üsyan etdi: Messidən sonra Xaviyə qarşı da hörmətsiz davrandılar

"Sevilya"nın baş məşqçisi Kike Flores "Barselona" rəhbərliyinin siyasətini pisləyib.

Publika.az xəbər verir ki, təcrübəli mütəxəssis Kataloniya klubunun əfsanələrinə qarşı düzgün davranmadığını bildirib:

“Bunu deməməliyəm... Amma “Barselona” öz əfsanələrinə dəhşətli dərəcədə pis yanaşır. Onlar hazırda çox pis vəziyyətdədirlər. Bəlkə də müvəqqətidir. Amma hər şey həqiqətən pis görünür. Oxşar vəziyyət Ronald Kuman və Lionel Messi, indi isə Xavi ilə bağlı yaranıb. Ümid edirəm ki, klublar öz əfsanələri ilə düzgün davranacaq və onlara layiq olduqlarını verəcəklər. Bu əla olardı. Axı onların mirası klubla azarkeşlər arasında dəyərlidir. Onların nailiyyətləri çox şey deməkdir və tarixi parçaları birləşdirir. Əfsanələrə hörmətlə yanaşmaq lazımdır”.

Qeyd edək ki, "Barselona" ötən gün baş məşqçi Xavi ilə yollarını ayırdığını açıqlayıb. Təxminən bir ay əvvəl isə klub rəhbərliyi 44 yaşlı mütəxəssisin növbəti mövsümdə də komanda ilə işləməyə davam edəcəyini bildirmişdi.

Heybət