İdman

İkardi Vanda Naranın reperlə öpüşdüyü videoya belə reaksiya verdi

8 Noyabr 2024 21:37

“Qalatasaray”ın argentinalı hücumçusu Mauro İkardi keçmiş həyat yoldaşı və agenti Vanda Naranın reper L-Gante ilə öpüşdüyü zaman yayılan videoya reaksiya verib.

Publika.az xəbər verir ki, reperin klipində yer alan Nara barədə İkardi bildirib: “O, bütün dünya üçün gülüş obyektidir”.

Xatırladaq ki, Vanda bu yaxınlarda reper L-Qante ilə münasibəti ilə bağlı bütün şayiələri təsdiqləyib. Argentinalı model daha əvvəl yalnız dostluqdan danışaraq gənc oğlanla hər hansı əlaqəni inkar etmişdi.

Bu ilin iyulunda Vanda Nara İkardidən ayrıldığını açıqlayıb. Bu, ilk belə elan deyil. Əvvəllər cütlük bir neçə dəfə ayrıldıqlarını bəyan edib, sonra yenidən bir araya gəliblər.

Bu mövsüm futbolçu “Qalatasaray”ın heyətində 11 matçda 6 qol vurub və 2 məhsuldar ötürmə edib. O, Avropa Liqasının 4-cü turunun “Tottenhem”lə oyununda aldığı zədə səbəbindən mövsümü erkən başa vurub.