İdman

Azərbaycanlı Lalə yenə Rusiyanı fəth etdi: Bu dəfə...

21 Noyabr 2024 10:12

Azərbaycanlı gimnast Lalə Kramarenko Rusiyada ilin idmançısı seçilib.

Publika.az xəbər verir ki, “Rusiyanın qüruru” kateqoriyası üzrə 2024-cü il Milli İdman Mükafatının təqdimetmə mərasimində 19 yaşlı idmançı bu ada layiq görülüb..

Mükafat uğrunda hündürlüyə tullanma üzrə Mariya Koçanova və şort-trekçi Yekaterina Aldoşkina da mübarizə aparıblar.

“Bu, təkcə mənim deyil, böyük komandamın qələbəsidir. Xoreoqraflar, rejissorlar, məşqçilər, həkimlərin və şəxsi məşqçilərimin bu uğurda payı var”, - deyə Lalə bildirib.

2024-cü ildə Rusiya çempionatında Kramarenko beş qızıl medal qazanıb. 19 yaşlı idmançı Kazanda keçirilən BRİKS Oyunlarında fərdi çoxnövçülükdə də birinci olub.

Xatırladaq ki, Lalə futbol üzrə Azərbaycan millisinin sabiq qolkiperi, hazırda Moskvanın ÇSKA klubunda qapıçılar üzrə məşqçi kimi fəaliyyət göstərən Dmitri Kramarenkonun qızıdır.

Heybət