İdman

O da "300"-lərin siyahısına qoşuldu

9 Dekabr 2024 14:22

Azərbaycan Premyer Liqasının 16-cı turu “Araz-Naxçıvan”ın futbolçusu Slavik Alxasov üçün əlamətdar olub.

Publika.az xəbər verirk i, 31 yaşlı müdafiəçi Azərbaycan çempionatlarında 300-cü oyununu keçirib. Onun yubileyi “Səbail”lə səfər görüşünə (2:0) təsadüf edib. Slavik 300 oyunda 15 qola imza atıb.

Alxasov Azərbaycan çempionatları tarixində 300 və daha çox oyun keçirən 29-cu futbolçudur.

Debütü 2011/12 mövsümündə “Sumqayıt”da gerçəkləşən futbolçu, ümumilikdə 7 klubda forma geyinib. O, Sumqayıtın eyniadlı komandasında 126 (3 qol), “Xəzər Lənkəran”da 10, “İnter” və “Keşlə” adlandığı illərdə “Şamaxı”da 92 (10 qol), “Sabah”da 34 (2 oyun), “Zirə”də 20, “Turan Tovuz”da 7, “Araz-Naxçıvan”da 11 matçda meydana çıxıb.

Qeyd edək ki, Slavik buna cari mövsümdə nail olan ikinci oyunçudur. “Araz-Naxçıvan”ın digər müdafiəçisi Urfan Abbasov da 300-cü oyununu mövsümün gedişində keçirib.

Heybət