İlin son turu başlayır

Bu gün Azərbaycan Premyer Liqasında 18-ci və 2024-cü ilin son turunun oyunlarına start veriləcək.

Publika.az xəbər verir ki, ilk gündə bir oyun baş tutacaq. “Kəpəz” Tovuzda “Sumqayıt”la üz-üzə gələcək.

Daha iki oyun dekabrın 21-də keçiriləcək. “Neftçi” “Turan Tovuz”un, “Zirə” “Səbail”in qonağı olacaq.

Dekabrın 22-də Azərbaycan Premyer Liqasında ilin son oyunları baş tutacaq. “Şamaxı” “Sabah”ı və “Qarabağ” isə “Araz-Naxçıvan”ı qəbul edəcək.

Bu turun oyunlarından sonra Azərbaycan Premyer Liqasında 25 günlük qış fasiləsi başlayacaq. 19-cu turun görüşləri 17-19 dekabr aralığında keçiriləcək.

Azərbaycan Premyer Liqası, 18-ci tur
20 dekabr

16:00 “Kəpəz” – “Sumqayıt”
Hakimlər: Kamal Umudlu, Rəhman İmami, Teymur Teymurov, Əkbər Əhmədov.
Tovuz şəhər stadionu.

21 dekabr
16:00 “Turan Tovuz” – “Neftçi”
Hakimlər: İnqilab Məmmədov, Namiq Hüseynov, Rahil Ramazanov, Kamran Əliyev
Tovuz şəhər stadionu.

18:30 “Səbail” – “Zirə”
Hakimlər: Elçin Məsiyev, Elşad Abdullayev, Pərvin Talıbov, Elvin Bayramov
“ASCO Arena”.

22 dekabr
14:00 “Şamaxı” – “Sabah”
Hakimlər: Cavid Cəlilov, Kamran Bayramov, Müslüm Əliyev, Əli Əliyev
Şamaxı şəhər stadionu.

16:30 “Qarabağ” – “Araz-Naxçıvan”
Hakimlər: Rəvan Həmzəzadə, Cəmil Quliyev, Şirmamed Mamedov, Əkbər Əhmədov
T.Bəhramov adına Respublika Stadionu.

Heybət