İdman

Alonso "Real" haqda danışdı: Zaman keçir, amma sevgi qalır

21 Yanvar 2025 17:43

"Bayer"in baş məşqçisi Xabi Alonso "Real"a mümkün qayıdışı haqda danışıb.

Publika.az xəbər verir ki, ispaniyalı mütəxəssis bu sözləri deyib:

"Real", yoxsa "Bayer" daha bir mövsüm? Mən heç nə deyə bilmərəm. Hazırda mövsümün zirvəsidir və bütün klubların böyük hədəfləri var. "Atletiko"da, "Real"da da var. Mən də onlara nail olmağı düşünürəm. Qarşıdakı matç hər iki komanda üçün çox vacibdir, bütün diqqətimi ona yönəltmişəm.

Zaman keçir, amma sevgi qalır - bu münasibət unudulmazdır. Mən bunu yüksək qiymətləndirirəm, əlaqə çox güclüdür. Bir oyunçu kimi mənim üçün çox xoş bir mərhələ oldu, gərgin illər oldu, istədiyimizə nail olmaq bizim üçün çətin oldu, amma biz buna nail olduq.

"Real" haqqında suallara münasibətim necədir? Onlara hazırlaşmamışam, amma məni narahat etmir və təəccübləndirmirlər. Mən yalnız “Atletiko” ilə oyun haqqında düşünürəm, buna hazıram və kifayət qədər gücüm var”.

Heybət