Ançelotti hakim qarşısına çıxdı: Onu hansı cəza gözləyir?

Madriddə "Real"ın baş məşqçisi Karlo Ançelottinin iki vergi cinayətinə görə məhkəməsi başlayıb.

Publika.az xəbər verir ki, Ançelotti bu gün səhər Madrid Əyalət Məhkəməsinə gedib və hakim qarşısına çıxıb.

"Kral klubu"nun məşqçisi 2014 və 2015-ci illərdə imic hüquqlarından vergidən yayınmaqda ittiham olunur. Borcun məbləği 1 milyon avrodan bir qədər çoxdur.

Hakim Ançelottidən imic hüquqlarına görə "Real"a transferindən əldə etdiyi gəliri soruşub və məşqçi belə cavab verib: "Mən üç il ərzində yalnız 6 milyon avro xalis maaş almalı idim. Heç vaxt nəyinsə səhv olduğunu bilmirdim və prokurorluğun məni araşdırdığına dair heç bir bildiriş almadım".

Ançelotti deyib ki, "Real" bu barədə ona müraciət edəndə ingilis müşaviri ilə əlaqə saxlayıb və sonra məsələni daha ətraflı araşdırmayıb: "Mənə vəziyyət yaxşı görünürdü, bunun fırıldaq ola biləcəyini düşünmürdüm. Hazırda buradayamsa, bu o deməkdir ki, hər şey o qədər də düzgün deyildi".

Qeyd edək ki, prokurorlar 65 yaşlı italiyal mütəxəssisə 4 il 9 ay həbs cəzası istəyir.

Heybət