"Qəbələ" darmadağınla Premyer Liqaya qayıtdı
Bizi izləyin

İdman

"Qəbələ" darmadağınla Premyer Liqaya qayıtdı

"Qəbələ" darmadağınla Premyer Liqaya qayıtdı

"Qəbələ" klubu bir illik fasilədən sonra Azərbaycan Premyer Liqasına qayıdır.

Publika.az xəbər verir ki, bu, "qırmızı-qaralar"ın Birinci Liqanın 20-ci turunda "Baku Sportinq" klubunu səfərdə 5:0 hesabı ilə məğlub etməsindən sonra məlum olub. Bu qələbə sayəsində xallarının sayını 52-yə çatdıran "Qəbələ"nin mövsümü üçüncü pillədən aşağıda bitirməyəcəyi müəyyənləşib.

Bu o deməkdir ki, Kaxaber Tsxadadzenin rəhbərlik etdiyi komanda çempionatın mövsümün gedişində yenilənən əsasnaməsinə əsasən uyğun olaraq, Premyer Liqaya vəsiqə qazanıb. AFFA-nın lisenziya tələblərinə cavab verən "Qəbələ"nin elitaya qayıtmasında problem olacağı güman edilmir.

Qeyd edək ki, Birinci Liqanın əsasnaməsinə görə yüksək yerləri tutan və lisenziya tələblərinə cavab verən 3 klub Premyer Liqada iştirak etmək hüququ qazanacaq.

Xatırladaq ki, "Qəbələ" 2023/24 mövsümündə Premyer Liqanı sonuncu sırada başa vuraraq Birinci Liqaya yuvarlanmışdı.

Heybət

Oxumağa davam et
Reklam
Reklam

Gündəm

Zəfaran Hospital
Səba