İdman

Reşford qərarını verdi: Bu nəhəng kluba keçmək istəyir

13 İyun 2025 20:10

Britaniyalı hücumçu Markus Reşford gələcəyi ilə bağlı qəti qərarını verib.

Publika.az xəbər verir ki, bu barədə “El Nacional” məlumat yayıb.

Futbolçu agentlərinə yeganə istəyinin “Mançester Yunayted”i tərk edərək “Barselona”ya keçmək olduğunu bildirib.

Kataloniya klubu ingilis futbolçunun bu niyyətini müsbət qarşılayır, lakin hücum xəttini gücləndirmək üçün əsas namizəd kimi “Liverpul”un vingeri Luis Diası görür. Bununla belə, Reşford iyun ayı ərzində “Barselona”nın qərarını gözləməyə hazırdır.

Markusun Mançester təmsilçisindəki illik maaşı təxminən 10 milyon avro təşkil edir. Lakin o, İspaniya nəhənginə keçmək üçün maaşını azaltmağa da razıdır. “Yunayted” yetirməsinin transferi üçün 40 milyon funt sterlinq (təxminən 47,2 milyon avro) tələb edir.

Qeyd edək ki, Markus ötən mövsümü “Aston Villa”da icarə əsasında keçirib.