DÇ-2026: millimiz Fransaya böyük hesabla uduzdu - Video/Yeniləndi

DÇ-2026-nın seçmə mərhələsinin Fransa - Azərbaycan oyunu başa çatıb.

Publika.az xəbər verir ki, "Park de Prens" stadionunda keçirilən matç meydan sahiblərinin qələbəsi ilə yekunlaşıb - 3:0.

Norveçdən olan baş hakim Rohit Saqqinin idarə etdiyi görüşdə qolları Kilian Mbappe (45+2), Adrien Rabyo (69), Florian Toven (84) vurub.

***

83-cü dəqiqədə Toven fərqi üçə çatdırdı: 3-0.

***

Rabio görüşün 69-cu dəqiqəsində ikinci qolu vurdu: 2-0

***

DÇ-2026-nın seçmə mərhələsinin Fransa - Azərbaycan oyununda ikinci hissə başlayıb.

Publika.az xəbər verir ki, matçda meydan sahibləri 1:0 hesabı ilə öndədirlər.

***

DÇ-2026-nın seçmə mərhələsinin Fransa - Azərbaycan oyununda ilk hissə başa çatıb.

***

Mbappe ilk hissənin son dəqiqələrində hesabı açdı: 1-0.

***

DÇ-2026-nın Avropa zonası üzrə seçmə mərhələsində Parisdə keçirilən Fransa-Azərbaycan oyunu başlayıb.

Publika.az xəbər verir ki, “Park de Prens” stadionunda oynanılan görüş Bakı vaxtı ilə saat 22:45-də start götürüb.

Matçı norveçli FIFA referisi Rohit Saqqi idarə edir.

***

Bu gün DÇ-2026-nın seçmə mərhələsində üz-üzə gələcək Fransa və Azərbaycan yığmalarının start heyətləri açıqlanıb.

Publika.az xəbər verir ki, milli komandalar meydana aşağıdakı "11-lik"lə çıxacaqlar:

Fransa: Mayk Meniyan, Malo Qyusto, Dayo Upamekano, Kinqsli Koman, Yoqo Ekitike, Kilian Mbappe, Maykl Olise, Adrien Rabo, Vilyam Saliba, Kefren Tyuram, Teo Ernandes

Azərbaycan: Şahruddin Məhəmmədəliyev, Elvin Cəfərquliyev, Bəhlul Mustafazadə, Anton Krivotsyuk, Emin Mahmudov, Mahir Emreli, Rüstəm Əhmədzadə, Elvin Bədəlov, Abdulla Xaybullayev, Toral Bayramov, Qismət Alıyev.

Fransa - Azərbaycan görüşü Bakı vaxtı ilə saat 22:45-də başlayacaq.