Avropadan DÇ-2026-ya ilk vəsiqələr onların olacaq?

Bu gün DÇ-2026-nın Avropa zonası üzrə seçmə mərhələsində növbəti görüşlər keçiriləcək.

Publika.az xəbər verir ki, bu gün daha 4 qrupda 8 qarşılaşma baş tutacaq.

Azərbaycanlı futbol sevərlərin diqqəti D qrupunda olacaq. Millimiz Polşada Ukraynanın qonağı olacaq. Digər matçda Fransa səfərdə İslandiya ilə üz-üzə gələcək. "Xoruzlar" qələbə qazansa, DÇ-2026-ya vəsiqəni təmin edəcək.

A qrupunda 6 xala malik 3 komanda liderlik uğrunda mübarizə aparacaq. Bunlardan ikisi - Şimali İrlandiya və Almaniya birincilərin meydanında üz-üzə gələcək. Slovakiya isə Lüksemburqun qonağı olacaq.

B qrupunda isə İsveçrə Avropadan mundiala ilk vəsiqənin sahiblərindən biri ola bilər. Bunun üçün "qırmızı-ağlar" Sloveniyaya qalib gəlməli və Kosovonun İsveçrə səfərində büdrəməsini gözləməlidir.

J qrupunda isə Şimali Makedoniya "nağıl"ı davam edir. Qrup lideri olan "qırmızı-sarılar" mundiala vəsiqə şanslarını qorumaq üçün evdə Qazaxıstanı üstələməlidirlər. Makedoniyalarla DÇ-2026-ya yollanmaq uğrunda yarışan digər iki komanda - Uels və Belçika birincilərin meydanında münasibətlərinə aydınlıq gətirəcəklər.

Bütün qarşılaşmalar saat 22:45-də başlayacaq.

DÇ-2026, Avropa zonası
13 oktyabr
A qrupu
22:45 Şimali İrlanadiya - Almaniya
22:45 Slovakya - Lüksemburq
Xal durumu: Almaniya 6, Şimali İrlandiya 6, Slovakiya 6, Lüksemburq 0.

B qrupu
22:45 Sloveniya - İsveçrə
22:45 İsveç - Kosovo
Xal durumu: İsveçrə 9, Kosovo 4, Sloveniya 2, İsveç 1.

D qrupu
22:45 Ukrayna - Azərbaycan
22:45 İslandiya - Fransa
Xal durumu: Fransa 9, Ukrayna 4, İslandiya 3, Azərbaycan 1.

J qrupu
22:45 Şimali Makedoniya - Qazaxıstan
22:45 Uels - Belçika
Xal durumu: Şimali Makedoniya 12(6 oyun), Belçika 11(5), Uels, 10(5), Qazaxıstan 6(6), Lixtenişteyn 0(6).

Heybət