Tramp İrana qarşı əməliyyatın başa çatması üçün son tarixi SON TARİXİ AÇIQLADI

ABŞ-ın İrana qarşı hərbi əməliyyatı iki-üç həftə ərzində başa çatdırılacaq.

Publika.az xəbər verir ki, bu barədə Ağ Evdə jurnalistlərlə söhbəti zamanı ABŞ Prezidenti Donald Tramp bəyanat verib.

"Düşünürəm ki, biz iki-üç həftə ərzində çıxacağıq, çünki bu işlə məşğul olmağımız üçün bir səbəb yoxdur", - deyə Amerika lideri İslam Respublikasına qarşı hərbi əməliyyatdan danışarkən bildirib.

Martın 30-da Ağ Evin mətbuat katibi Kerolayn Levitt Trampın aprelin 6-na qədər İranla sövdələşmə bağlamaq istədiyini qeyd etmişdi.

Martın 29-da "The Washington Post" qəzeti mənbələrə istinadla yazıb ki, ABŞ İranda müddəti bir neçə həftədən bir neçə aya qədər çəkə biləcək quru əməliyyatına hazırlaşır.

Xatırlaqdaq ki, fevralın 28-də ABŞ İsrail ilə birlikdə İrana qarşı hərbi əməliyyata başlayıb. İslam Respublikasının bir çox şəhərləri, o cümlədən paytaxt hücuma məruz qalıb. Zərbələrdən biri ali rəhbər Əli Xameneinin iqamətgahına endirilib və o, həlak olub. Cavab olaraq İran İsrailə, ABŞ-ın hərbi bazalarına və Vaşinqtonun Yaxın Şərqdəki müttəfiqlərinə raket və pilotsuz uçuş aparatları ilə zərbələr endirir.

Hüseyn İbadlı