İdman

“Çelsi”nin qapıçısından “Qarabağ”la oyundan öncə açıqlama: O, əsl vəhşidir

3 Noyabr 2025 19:10

“Çelsi”nin qapıçısı Robert Sançes komanda yoldaşı, müdafiəyə meyilli yarımmüdafiəçi Moises Kaysedonun çıxışını yüksək qiymətləndirib.

Noyabrın 1-də 24 yaşlı ekvadorlu “Çelsi”nin Premyer Liqanın 10-cu turunda “Tottenhem”i məğlub etməsinə (1:0) köməklik göstərərək, assist edib.

Publika.az xəbər verir ki, “Goal” Sançesin sözlərini sitat gətirib:

“Burada sözə ehtiyac yoxdur, amma Moises əsl vəhşidir. O, öz mövqeyində planetin ən yaxşı oyunçusudur. Ondan güclü kim ola bilər? O, sadəcə olaraq vəhşidir. O, hər dueldə qalib gəlir və topla rəftarı çox sakitdir.

Mən onun çox dəyişdiyini müşahidə etməmişəm. Həm oyunçu, həm də insan kimi o, həmişə eyni olub: çalışqan, sakit və həqiqətən gözəl oğlan. Təbii ki, yaşı və təcrübəsi ilə o, bir az daha mükəmməlləşib, onun oyunu getdikcə daha da yaxşılaşır. Onun özünə inamı da getdikcə artır”.

“Çelsi” ÇL-in əsas mərhələsində “Qarabağ”ın rəqibidir. Komandalar noyabrın 5-də Bakıda qarşılaşacaqlar.