Millimiz yenə məğlub oldu - VİDEO/YENİLƏNDİ

2026-cı il futbol üzrə dünya çempionatının seçmə mərhələsinin beşinci turu çərçivəsində keçirilən Azərbaycan - İslandiya matçı başa çatıb.

Publika.az xəbər verir ki, görüşdə qonaq komanda 0:2 hesabı qalib gəlib.

Qolları 20-ci dəqiqədə Qyudmyundsson və 39-cu dəqiqədə İnqason vurublar.

Bu nəticədən sonra xalların sayını 7-yə çatdıran İslandiya millisi D qrupunda 2-ci yerə qalxıb. Azərbaycan seçmə komandası 1 xalla sonuncu - dördüncü yerdədir.

Qeyd edək ki, milli komandamız qrup mərhələsində sonuncu matçını noyabrın 16-da Bakıda Fransaya qarşı keçirəcək.

xxx

21:48

DÇ-2026-nın seçmə mərhələsinin Azərbaycan - İslandiya oyununda ikinci qol vurulub.

Publika.az xəbər verir ki, 8-ci km qəsəbə stadionunda keçirilirən matçda qonaqlar hesab arasındakı fərqi artırıblar - 2:0.

39-cu dəqiqədə Sverrir İnqason dəqiq zərbə müəllifi olub.

xxx

21:27

DÇ-2026-nın seçmə mərhələsinin Azərbaycan - İslandiya oyununda hesab açılıb.

Publika.az xəbər verir ki, 8-ci km qəsəbə stadionunda keçirilirən matçda qonaqlar fərqləniblər.

20-ci dəqiqədə Albert Qyudmyundsson adını tabloya yazdırıb.

xxx

21:00

DÇ-2026-nın seçmə mərhələsinin D qrupunda Azərbaycan - İslandiya matçına start verilib.

Publika.az xəbər verir ki, qarşılaşma 8-ci km qəsəbə stadionunda keçirilir.

Matçı monteneqrolu baş hakim Nikola Dabanoviç idarə edir.