Ronaldo ilə Messi indi də orada rəqibdirlər: Milyonlar qazanırlar - SİYAHI

Sosial şəbəkələr yenidən Lionel Messi ilə Kriştiano Ronaldonun mübarizə meydanına çevrilib.

Publika.az xəbər verir ki, bu dəfə onlar "Qızıl top" və ya qollar üçün deyil, "İnstaqram"da ən yüksək gəlirli məşhur statusu uğrunda yarışıblar.

"Wealth Magazine" sözügedən sosial şəbəkənin ən bahalı ulduzlarının yeni reytinqini yayıb. Ön planda yenə Messi ilə Ronaldo olub.

668 milyon abunəçiyə sahib olan portuqaliyalı ulduza bir reklam postu 3,4 milyon dollar qazandırır. İkinci sırada qərarlaşan və 509 milyon izləyicisi olan Messinin qazancı isə Ronaldodan 700 min dollar azdır. "İlk üçlüy"ü məşhur müğənni və aktrisa Selena Qomez qapayıb. Onun bir reklam postunun qiyməti 2,5 milyon dollardır.

1. Kriştiano Ronaldo – 668 milyon abunəçi, reklam postuna 3,4 milyon dollar;
2. Lionel Messi – 509 milyon, 2,7 milyon dollar
3. Selena Qomez – 416 milyon, 2,5 milyon dollar
4. Kayli Cenner – 392 milyon, 2,3 milyon dollar
5. Dveyn Conson – 391 milyon, 2,3 milyon dollar
6. Ariana Qrande – 373 milyon, 2,2 milyon dollar
7. Kim Kardaşyan – 354 milyon, 2,1 milyon dollar
8. Beyons – 308 milyon, 1,9 milyon dollar

Heybət