İdman

“Real”ın ulduzu azarkeşin bu hərəkətinə qəzəbləndi: Məktəbə getməmisən? - VİDEO

8 Dekabr 2025 13:35

“Real”ın bazasının yaxınlığında baş verən gözlənilməz hadisə tez bir zamanda sosial şəbəkələrdə yayılıb.

Publika.az xəbər verir ki, Madrid klubunun müdafiəçi Antonio Rüdiger yalnız sözlərlə deyil, sərt tonla da azarkeşləri düşündüyünü göstərib.

Sosial mediada yayılan videoda gənc azarkeş avtomobilin altına qaçaraq futbolçunu dayandırmağa və avtoqraf istəməyə çalışdığı əks olunub. Rüdiger dərhal dayanaraq maşından düşüb və gəncə sərt tərzdə müraciət edib: “Sən məktəbə getməmisən? Nə edirsən?!”

Futbolçu azarkeşə izah edib ki, avtoqraf üçün həyatını riskə atmaq qətiyyən yolverilməzdir. Emosional tonda olsa da, sosial şəbəkələrdə Rüdiger təriflənib.

Xatırladaq ki, ötən gün “Real” evdə “Selta”ya (0:2) uduzub. Bu məğlubiyyət “Barselona”ya madridlilər üzərində xallar fərqini 4-ə çatdırmağa imkan verib.

Heybət