İdman

İngiltərə millisinin üzvü həbs olundu: Görün nə edib

9 Dekabr 2025 13:40

Səudiyyə Ərəbistanının “Əl-Əhli” klubunun və İngiltərə yığmasının hücumçusu Ayvan Toni Londonda barda müştəriyə başla zərbə endirdiyi üçün həbs edilib.

Publika.az xəbər verir ki, bu barədə "The Sun" məlumat yayıb.

Zərərçəkmiş şəxs Tonini boynundan tutub onunla selfi çəkmək istəyib, bundan sonra 29 yaşlı futbolçu onu başla vurub. Hadisə şahidinin sözlərinə görə, zərərçəkmişin burun nahiyəsindən qan gəlib. Ona üz travmaları, o cümlədən sınmış burun və sınmış adsız barmaq səbəbindən tibbi yardım göstərilib.

“29 yaşlı şübhəli hadisə yerində iki dəfə hücum və bir dəfə xuliqanlıq etməkdə şübhəli bilinərək həbs edilib. O, girov qarşılığında sərbəst buraxılıb, istintaq davam edir”, - deyə London polisi hadisə ilə bağlı açıqlama verib.

Qeyd edək ki, Toni son dəfə bu ilin iyun ayında İngiltərə yığmasına çağırılıb.

Heybət