İdman

“Qalatasaray” “Napoli”nin daha bir futbolçusunu hədəfə aldı

3 Yanvar 2026 06:46

“Napoli”nin futbolçusu Noa Lanq klubu tərk edə bilər.

Publika.az xəbər verir ki, “Il Mattino”nun məlumatına görə, Türkiyənin “Qalatasaray” klubu niderlandlı vingerin transferi üçün hərəkətə keçib.

26 yaşlı futbolçu cəmi 6 ay əvvəl “Napoli”yə qoşulsa da, qarşıdan gələn qış transfer pəncərəsi ərəfəsində onun komandadakı rolu sual altına düşüb.

“Napoli” ilə “Qalatasaray” arasında əvvəlki illərdə bir neçə transfer razılaşması olub. Onların arasında ən diqqət çəkəni yayda Viktor Osimhenin keçidi idi. Lakin Lanqla bağlı mümkün danışıqlar klubun təcili ehtiyacları səbəbindən qısa müddətdə aparılmalıdır.

Baş məşqçi Antonio Konte, hücum xəttində onun mövqeyində eyni səviyyədə təsir göstərə biləcək dərhal əvəzləyici tapılmadan Lanqın gedişinə razılıq vermək niyyətində deyil. Digər tərəfdən, “Napoli” qış transfer pəncərəsində “sıfır balans” siyasəti ilə hərəkət edir ki, bu da klubun yeni oyunçularavəsait ayırmaq imkanını məhdudlaşdırır.