Ronaldo karyerasını bitirdikdən sonra bu villada yaşayacaq: 35 milyon qiyməti var - FOTOLAR

"Əl-Nəsr"in ulduzu Kriştiano Ronaldo futbolçu karyerasını bitirdikdən sonra Portuqaliyada 30 milyon funt sterlinq (34,7 milyon avro) dəyərindəki villaya köçməyi planlaşdırır.

Publika.az xəbər verir ki, Lissabonun 48 km uzaqlığında yerləşən eksklüziv sahil kurortunda inşa edilmiş bu lüks evin tikintisi artıq tamamlanıb. Futbolçunun malikanəsi ölkənin ən böyük və bahalı evlərindən biridir. Burada Ronaldonun avtomobil kolleksiyası üçün 12 milyon funt (13,8 milyon avro) dəyərində yeraltı dayanacaq nəzərdə tutulub. Səkkiz yataq otaqlı villanın tikintisi üç ildən uzun sürüb.

Villada nəhəng şüşə hovuz, intellektual istilik sistemi, idman zalı, daxili və açıq hovuzlar, masaj otağı və kinoteatr mövcuddur.

Kriştianonun beş övladı üçün oyun meydançası qurulub, o və nişanlısı Corcina isə şəxsi çimərlikdə istirahət edə bilərlər. Villada həmçinin təmiz qızıldan kranlar, italyan mərməri və xüsusi olaraq cütlük üçün hazırlanmış "Louis Vuitton" freskası da mövcuddur.

Qeyd edək ki, Ronaldo təhlükəsizliyi artırmaq məqsədilə yeni evinin yanındakı qolf sahəsini almağa çalışıb, lakin onun təklifi rədd edilib.

Heybət