Yamalın atası Barselonada aləmi bir-birinə qatdı - VİDEO

“Barselona” futbolçusu Lamin Yamalın atası Munir Nasraui yenidən sosial şəbəkələrin diqqət mərkəzinə düşüb.

Publika.az xəbər verir ki, o, bu dəfə idmanla bağlı olmayan səbəbdən gündəmə gəlib.

Təxminən bir ildir Barselonanın prestijli Pedralbes rayonunda yaşayan Munir canlı yayım açaraq ictimai bulaqlarda suyun olmamasından şikayətlənib. O, parkların vəziyyətini emosional şəkildə göstərib və bunu əvvəl yaşadıqları kasıb Rokafonda rayonu ilə müqayisə edib. Nasrauinin sözlərinə görə, orada bu cür problemlər yoxdur.

Video Nasrauinin açıq və birbaşa üslubuna, eləcə də yerli sakinlərlə katalon dilində ünsiyyətinə görə qısa müddətdə viral olub. Yamalın atasını xüsusilə narahat edən məqam isə su çatışmazlığından ev heyvanlarının əziyyət çəkməsidir.

Munir Nasraui sosial şəbəkələrdə mütəmadi olaraq canlı yayımlar açır, gündəlik həyatından görüntülər paylaşır və oğlunun uğurları ilə qürur duyduğunu gizlətmir.

Heybət

View this post on Instagram

A post shared by MOUNIR NASRAOUI (@hustle_hard_304)