Fikri qətidir: 100 milyonluq təklif belə qərarını dəyişməyəcək
Bizi izləyin
Aptekonline

İdman

Fikri qətidir: 100 milyonluq təklif belə qərarını dəyişməyəcək

Fikri qətidir: 100 milyonluq təklif belə qərarını dəyişməyəcək

Amerikalı boksçu Terence Crawford peşəkar rinqə qayıtmaq ideyasını qəti şəkildə rədd edib.

Publika.az xəbər verir ki, World Boxing News (WBN) nəşrinin məlumatına görə, “ovçu” ləqəbli boksçu bildirib ki, məşq toplanışı onun üçün döyüşün özündən daha ağır keçir. Buna görə də o, yenidən hazırlıq prosesinin fiziki və psixoloji yükünü yaşamaq istəmir.

Mənbənin yazdığına görə, hətta 100 milyon dollarlıq təklif belə Kroufordu qərarından döndərə bilməz.

Bu mövqe onun Saúl Álvarez (Kanelo) ilə revanş keçirmək ehtimalını minimuma endirir. Halbuki daha əvvəl meksikalı boksçu ikinci döyüşün keçiriləcəyinə əminlik ifadə etmişdi.

Xatırladaq ki, Krouford 2025-ci ilin sentyabrında baş tutan qarşılaşmada Alvaresi hakimlərin yekdil qərarı ilə (116:112 və iki dəfə 115:113) məğlub edib. Amerikalı rəqibinin kəmərlərini əlindən alaraq tarixdə üç fərqli çəki dərəcəsində mütləq dünya çempionu olan ilk boksçuya çevrilib.

Photo
Oxumağa davam et
Reklam
Reklam

Gündəm

Aptekonline