İdman

Həyatdan zövq alır: 5 uşağın sürücüsüyəm

17 Fevral 2026 05:15

Eden Azar futbolçu karyerasını bitirdikdən sonra həyatdan zövq aldığını bildirib.

Publika.az xəbər verir ki, “Çelsi” və “Real Madrid”in keçmiş yarımmüdafiəçisi bu barədə İspaniya mətbuatına danışıb:

“Həyat çox sürətlə keçir, xüsusən də futbolda. Dünən 19 yaşım var idi, bu gün 35 yaşım var. Həyatdan zövq almalısınız, təkcə futbolda deyil, hər şeydə.

Ailə məni davam etdirir. Həyatım sadədir: Evdə oturub həyat yoldaşım, uşaqlarım və qardaşlarımla sadə şeylərdən zövq alıram. Oynayanda daim səyahət edirsən, amma dayananda nəhayət ki, onlarla stressiz vaxt keçirmək imkanı əldə edirsən.

Təqaüdə çıxdıqdan sonra heç vaxt səhər saat 10-da məşq etməmişəm! Sadəcə şənbə günləri oynayıram və bu qədər. İndi həyatım olduqca sadədir. Beş uşaq atasıyam. Hazırda futbolçudan daha çox onların sürücüsüyəm, amma bu normaldır”.